كل يوم الصبح في كوباية قهوة بتبدأ بيها يومك. بتصحصحك، تكمل شغلك، وتجمعكم بعد يوم طويل. بس قبل ما ريحة القهوة تملى المكان، الحبة دي كانت في رحلة طويلة جدًا.
سافرت بين بلاد، واتنقلت بين إيدين كتير، وعدت بمراحل دقيقة علشان توصلك بالكوباية اللي تعرفها. وفي سليمان، إحنا مؤمنين إن لما تعرف حكاية القهوة، بتعرف تتبسط بيها أكتر.
بداية الرحلة
القهوة المميزة ما بتيجيش بالصدفة. علشان كده بنختار حبوب الأرابيكا من مناطق مرتفعة في البرازيل وإثيوبيا، حيث أن التربة الغنية والطقس بيساعدوا حبوب البن إنها تنضج بهدوء وتكون طعم أعمق وأوضح.
التنقية قبل أي حاجة
بعد حصاد البن وتجهيزه، يوصل لمصانعنا كبن أخضر. ومن هنا تبدأ مرحلة الاختيار الحقيقي. كل شحنة بننقيها بدقة، مش بس بالأجهزة لكن بالحواس والخبرة.
الأجهزة تقدر تقيس الكثافة والرطوبة، لكن جودة القهوة الحقيقية لازم تتداق. وعشان اسمنا على كل عبوة،
إحنا بننقي كل حبة بعناية جدًا قبل ما أي منتج يوصل لعملائنا.أحمد سليمان، خبير التحميص
ازاي تعرف جودة القهوة الخضرة من أول شحنة
اسمع من محمص القهوة الرئيسي في سليمان عن أهم التفاصيل اللي بيدور عليها أول ما يجرب شحنة البن الأخضر الجديدة.
التحميص
قبل التحميص، حبوب البن بيكون ريحتها أقرب للطبيعة والتراب، ولسه مفيهاش ريحة القهوة اللي نعرفها. التحميص هو المرحلة اللي بتطلع الطعم الحقيقي من الحبة، وده بيحتاج توازن دقيق بين الحرارة والوقت.
خلال مرحلة التحميص بنراقب أهم مراحله:
مرحلة التجفيف: لما الحبوب تبدأ يتغير لونها من الأخضر للأصفر الفاتح
أول فرقعة: اللحظة اللي تبدأ فيها الحبوب تتمدد وتظهر النكهات
مرحلة التطوير: أهم مرحلة، واللي بتحدد درجة التحميص والطعم النهائي للقهوة
الكوب النهائي
في الآخر الكوباية اللي في إيدك بتمر بكل الرحلة دي من المزارع، للشحن، للتنقية، للتحميص، لأول لحظة دوقتها فيها. وأنت بتحضر كوباية قهوة من سليمان أنت بتدوق رحلة كاملة اتعملت بعناية علشان توصلك بالجودة والطعم اللي تحبه.
